COCTILICIA Taberna

COCTILICIA Taberna

apud Iul. Capitolin. in Pertinace, c. 3. Nam Pater eius tabernam Coctiliciam in Liguria exercuerat. Sed postquam in Liguriam venit, multis agris coemptis, tabernam paternam, manente famâ priore, infinitis aedificiis circumdedit, fuitque illic per triennium et mercatus est per suos servos: est quae coctilibus lignis erat instructa, in qua coctilia ligna venderentur. Differebant autem coctilia a carbonibus, quod cocta quidem essent ligua, sed non ad plenum, neque ita ut carbones videri possent: item a titionibus, ut viders est apud Ulpianum, leg. 167. de verborum signisic. ubi ea appellat ligna cocta, ne fumum facidnt: vulgo Acapna. Apud Trebellium tamen in Claudio, c. 14. ubi ait, Coctilium quottidiana batilla quatuor, pro carbonibus videtur ea vox accipi: aut non multum acapna a carbonibus differebant. Nam brevia admodum fuisse, nec manu, ut ligna; sed batillis tractari solita, hic locus declarat. Vide Casaubon. et Salmas. Not. ad Capitolin. et Pollion. loc. cit. et supra Acapna.